Farg‘ona viloyatining Uchko‘prik tumanida chet el valyutasini noqonuniy muomalaga kiritilishining oldi olindi, deb xabar bermoqda Bosh prokuratura huzuridagi departament.
Ma’lum qilinishicha, departamentning Uchko‘prik tuman bo‘limi tomonidan o‘tkazilgan tezkor tadbirda, tuman markazidagi aviakassa atrofida valyuta qimmatliklari savdosi bilan shug‘ullanib kelgan U.R. fuqaro D.ga jami 3 250 AQSH dollarini 35,7 million so‘mga sotishga kelishib, shundan 1 750 AQSH dollarini bergan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
Izoh (0)