O‘zbekistonda 2022-yilning 1-yarmida mehnat qonunchiligini buzgan 6 mingga yaqin mansabdor 12 milliard so‘mdan ortiq jarimaga tortildi. Bu haqda AOKAda Bandlik va mehnat munosabatlari vazirligi mutasaddilari ishtirokida o‘tkazilgan matbuot anjumanida ma’lum qilindi.
Ta’kidlanishicha, Bandlik va mehnat munosabatlari vazirligiga 1-yarim yillikda mehnat munosabatlariga oid jami 11 ming 600 dan ortiq murojaat kelib tushgan. Shundan 6551 tasi qanoatlantirilgan, 4546 tasiga tushuntirish berilgan.
Yarim yilda 14 066 ta tashkilot va korxonada o‘rganishlar o‘tkazilgan va mehnat sohasiga oid 41 150 ta qonunbuzilish holati aniqlangan. Natijada 5935 nafar mansabdor shaxsga 12 milliard 57 million so‘mdan ortiq ma’muriy jarima qo‘llanilgan.
Sud organlariga 1000 dan ortiq da’vo ariza kiritilib, 5 milliarddan ortiq oylik ish haqi va boshqa to‘lovlar undirilgan.
Izoh (0)