Ijtimoiy tarmoqlarda 17-avgust kuni “Buxoro viloyat IIB va Xosiyatbonu Barnayevaga alangali salom!” sarlavhasi ostida xabar joylashtirilgan edi. Viloyat ichki ishlar boshqarmasi holat yuzasidan rasmiy ma’lumot berdi.
Tarqalgan xabarda ijtimoiy tarmoqda Xosiyatbonu Barnayeva nomi bilan sahifa ochib, o‘zbekistonliklarni Italiyaga qochqin sifatida 5 ming dollar evaziga yubormoqchi bo‘layotgan noma’lum shaxs maxsus ruxsatnomaga ega yoki yo‘q ekani haqida so‘z borgan.
Biz unga mijoz sifatida murojaat qilganimizda o‘zining uyali aloqa raqamini (yuqoridagi yozishmalar skrinshotida keltirilgan +99899 041 70 22) ham qo‘rqmasdan bermoqda. Demak, uni qo‘llovchi rahnamolari bor, degan gumondamiz. Katta ehtimol bilan u shaxs Buxorodan. Buxoro viloyat IIB shu ish bilan mabodo shug‘ullana olsa, rasmiy ma’lumot beradi degan umiddamiz. Har holda, hali aldanib qolganlar ko‘p bo‘lmasa kerak, — deyiladi unda.Viloyat IIBga ko‘ra, ushbu xabarda ko‘rsatilgan masala bo‘yicha murojaat kelib tushmagan. Hozirda mazkur holatga aniqlik kiritish maqsadida surishtiruv harakatlari olib borilmoqda. Holat yuzasidan qo‘shimcha ma’lumot beriladi.
Izoh (0)