Саудия Арабистони давлат телевидениесининг хабар беришича, мамлакат Ўзбекистон билан умумий қиймати 45 миллиард риёл (11,99 миллиард доллар) бўлган 10 та инвестиция шартномасини имзолади, деб ёзмоқда «Reuters» нашри.
Қайд этилишича, давлат телевидениеси битимлар моҳияти ҳақида қўшимча маълумот бермаган.
Аввалроқ Шавкат Мирзиёев 17 август куни эрталаб давлат ташрифи билан Саудия Арабистонига жўнаб кетгани хабар қилинганди. Ташрифнинг биринчи манзили сифатида барча мусулмонлар учун муқаддас Мадина шаҳри зиёрат қилинади. Куннинг иккинчи ярмида давлат раҳбари Жидда шаҳрига боради. Бу ерда олий даражадаги Ўзбекистон—Саудия саммитининг расмий тадбирлари бўлиб ўтади.
Изоҳ (0)