Rossiyaning Leningrad viloyatidagi korxonada yong‘in sodir bo‘ldi. Yong‘in oqibatida o‘zbekistonlik erkak 80 foizli ikkinchi darajali kuyish bilan reanimatsiyaga joylashtirildi. Bu haqda “78.ru” xabar berdi.
Qutqaruvchilarga 10-avgust kuni mahalliy vaqt bilan soat 11:16 da sanoat zonasida yong‘in sodir bo‘lgani haqida xabar kelib tushgan. Aniqlanishicha, bitum ishlab chiqarish bilan shug‘ullanayotgan korxona hududida vintli apparatda yong‘in kelib chiqqan. Yong‘in soat 11:45 da qurshab olingan.
Hodisa oqibatida 1984-yilda tug‘ilgan O‘zbekiston fuqarosi Shoshilinch tibbiy yordam ilmiy-tadqiqot institutining kuyish reanimatsiya bo‘limiga yotqizilgan. Erkak tanasining 80 foizida 2-darajali kuyish qayd etilgan.
Izoh (0)