Qashqadaryo viloyati Dehqonobod tumanida sobiq mahalla raisi 86 million so‘mdan ortiq ijtimoiy nafaqa pulini noqonuniy to‘lab yuborgani aniqlandi. Bu haqda viloyat prokuraturasi axborot xizmati xabar berdi.
Qayd etilishicha, prokuratura tomonidan o‘tkazilgan tergovga qadar tekshiruv davomida “Aerodrom” MFY sobiq raisi tomonidan 86 million so‘mdan ortiq ijtimoiy nafaqalar noqonuniy to‘lab yuborilgani aniqlanib, Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 209-moddalari (mansab soxtakorligi) jinoyat ishi qo‘zg‘atilgan.
Dastlabki tergov natijalariga ko‘ra, jinoyat ishi ayblov xulosasi bilan JIB Dehqonobod tumani sudiga yuborilgan.
Izoh (0)