Andijon viloyati Baliqchi tumanida 4 erkak psixotrop dori sotishini aytib, maxsus mijozdan pullarni olib qo‘yayotgan paytda qo‘lga olindi. Bu haqda jinoyat qidiruv bosh boshqarmasi xabar berdi.
Qayd etilishicha, 11-iyun kuni Ichki ishlar vazirligi jinoyat qidiruv bosh boshqarmasi va Andijon viloyati IIB JQB xodimlari hamkorligida giyohvand moddalarni nazorat tartibida xarid qilish tezkor tadbiri o‘tkazilgan.
Tezkor tadbir avvalida gumonlanuvchi — 1997-yilda tug‘ilgan, Baliqchi tumanida yashovchi fuqaro maxsus xaridor bilan 1200 dona “Tropikamid” va 4480 dona “Lirika” hamda “Regapen” nomli kuchli ta’sir etuvchi dori vositalarini jami 100 million so‘mga sotishga kelishib, ushbu dorilarini tanishlari orqali Andijon shahri “Paxtakor” mahallasida joylashgan “Karvon” oshxonasi oldiga olib kelishini ma’lum qilgan.
Shundan so‘ng tezkor qidiruv tadbiriga jalb qilingan xodimlar bilan birga kelishilgan joyga borilganida gumonlanuvchi o‘zining Andijon viloyatida yashovchi 3 nafar sherigi bilan birga qora rangli davlat raqami yechilgan Spark avtomashinasida kelib, ikki dona qog‘oz qutida dori vositalari borligini aytib, maxsus xaridor quti ichidagi dorilarni ko‘rmoqchi bo‘lganida ular tomonidan maxsus xaridordan yonida bo‘lgan 2000 dollar va 80 million pullarni berishini talab qilib, maxsus xaridorning bo‘ynidan bo‘g‘ib, jismoniy kuch ishlatib, avtomashinaga olib kirib pullarni olmoqchi bo‘lgan vaqtda tadbir ishtirokchilari tomonidan ushlangan
Mazkur holat yuzasidan to‘plangan hujjatlar Andijon shahar IIO FMB TBga qonuniy chora ko‘rish uchun topshirilib, ushlangan shaxslar Jinoyat kodeksining 166-moddasida ko‘rsatilgan jinoyatni sodir qilganlikda gumonlanuvchi sifatida Jinoyat-protsessual kodeksining 224-moddasi tartibida ushlangan.
Izoh (0)