Қашқадарё вилояти Деҳқонобод туманида собиқ маҳалла раиси 86 миллион сўмдан ортиқ ижтимоий нафақа пулини ноқонуний тўлаб юборгани аниқланди. Бу ҳақда вилоят прокуратураси ахборот хизмати хабар берди.
Қайд этилишича, прокуратура томонидан ўтказилган терговга қадар текширув давомида «Аэродром» МФЙ собиқ раиси томонидан 86 миллион сўмдан ортиқ ижтимоий нафақалар ноқонуний тўлаб юборилгани аниқланиб, Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддалари (мансаб сохтакорлиги) жиноят иши қўзғатилган.
Дастлабки тергов натижаларига кўра, жиноят иши айблов хулосаси билан ЖИБ Деҳқонобод тумани судига юборилган.
Изоҳ (0)