O‘zbekistondagi ijtimoiy soha obyektlari 15-sentabrga qadar mahalliy ko‘mir bilan to‘liq ta’minlanadi. Bu haqda Energetika vazirligi axborot xizmati xabar berdi.
Qayd etilishicha, 29-iyul kuni “O‘zbekko‘mir” aksiyadorlik jamiyatiga matbuot anjumani va press-tur tashkil etildi. Unda qattiq yoqilg‘i qazib chiqarish, saralash va yuklash jarayonlari, bu boradagi ko‘rsatkichlar, sifat bo‘yicha amalga oshirilayotgan ishlar xususida axborotlar berildi.
Jamiyatimiz tomonidan 2022/2023-yillar kuz-qish mavsumi uchun respublika ijtimoiy soha obyektlariga 518 ming tonna, aholi ehtiyojlari uchun 882 ming tonna mahalliy ko‘mir mahsulotlari yetkazib berish rejalashtirilgan. Ijtimoiy soha obyektlariga ko‘mir yuklash ishlarini bu yil har galgidan ancha barvaqt — 1-apreldan boshlandi. Ayni paytda jamiyat tomonidan kuniga o‘rtacha 3 ming tonna ko‘mir yuklab jo‘natilmoqda. 2022-yil 27-iyul holatiga budjet tashkilotlari uchun 326,3 ming tonna mahalliy ko‘mir ortib yuborildi. Ko‘mir tarqatish ishlari, ayniqsa, Samarqand va Xorazm viloyatlarida namunali tashkil etilmoqda, — dedi bosh direktorning birinchi o‘rinbosari A.Mirahmedov.Respublika budjet tashkilotlarini kuz-qish mavsumi uchun ko‘mir bilan to‘liq ta’minlash ishlarini 15-sentabrga qadar yakunlash, aholini mahalliy ko‘mir bilan ta’minlashni esa 31-dekabrgacha tugatish rejalashtirilgan.
Izoh (0)