Ўзбекистондаги ижтимоий соҳа объектлари 15 сентябрга қадар маҳаллий кўмир билан тўлиқ таъминланади. Бу ҳақда Энергетика вазирлиги ахборот хизмати хабар берди.
Қайд этилишича, 29 июль куни «Ўзбеккўмир» акциядорлик жамиятига матбуот анжумани ва пресс-тур ташкил этилди. Унда қаттиқ ёқилғи қазиб чиқариш, саралаш ва юклаш жараёнлари, бу борадаги кўрсаткичлар, сифат бўйича амалга оширилаётган ишлар хусусида ахборотлар берилди.
Жамиятимиз томонидан 2022/2023 йиллар куз-қиш мавсуми учун республика ижтимоий соҳа объектларига 518 минг тонна, аҳоли эҳтиёжлари учун 882 минг тонна маҳаллий кўмир маҳсулотлари етказиб бериш режалаштирилган. Ижтимоий соҳа объектларига кўмир юклаш ишларини бу йил ҳар галгидан анча барвақт — 1 апрелдан бошланди. Айни пайтда жамият томонидан кунига ўртача 3 минг тонна кўмир юклаб жўнатилмоқда. 2022 йил 27 июль ҳолатига бюджет ташкилотлари учун 326,3 минг тонна маҳаллий кўмир ортиб юборилди. Кўмир тарқатиш ишлари, айниқса, Самарқанд ва Хоразм вилоятларида намунали ташкил этилмоқда, — деди бош директорнинг биринчи ўринбосари А.Мираҳмедов.Республика бюджет ташкилотларини куз-қиш мавсуми учун кўмир билан тўлиқ таъминлаш ишларини 15 сентябрга қадар якунлаш, аҳолини маҳаллий кўмир билан таъминлашни эса 31 декабргача тугатиш режалаштирилган.
Изоҳ (0)