Qashqadaryo viloyati Nishon tumanida to‘yga kelgan mehmon kuyovning jo‘rasini pichoqlagani haqida xabar berilgandi. Nasafnews holat yuzasidan qo‘shimcha ma’lumot berdi.
Qayd etilishicha, holat 24-iyul kuni sodir bo‘lgan. Jiyanining nikoh to‘yiga kelgan Surxondaryo viloyatining Qiziriq tumanida yashovchi X.E. (1990-yilda tug‘ilgan) yarim tunda tort kesish tadbirida shu mahallada yashovchi kuyovning jo‘rasi X.J. bilan janjallashib qolgan. Janjalda Qiziriq tumanida yashovchi X.E. X.J. (1996-yilda tug‘ilgan)ning chap ko‘krak qismiga pichoq sanchib, tan jarohati yetkazgan.
Voqea guvohlaridan birining aytishicha, pichoq jabrlanuvchi yigitning yuragiga sanchilgan. Og‘ir ahvolga tushgan yigit Nishon tumani tibbiyot birlashmasiga olib borilgan. Shifokorlarning aytishicha, uning ahvoli og‘ir holatda bo‘lgani uchun hayotini saqlab qolishning imkoni bo‘lmagan.
Izoh (0)