Korrupsiyaga qarshi kurashish agentligi Davlat xaridlari sohasida qonun talablariga rioya qilinishiga oid hisobotini taqdim etib, birozdan so‘ng uni tahrirladi. Yangi infografikadan Mudofaa vazirligi tizimida yo‘l qo‘yilgan moliyaviy xato va kamchiliklar o‘chirildi. Mudofaa vazirligi holat bo‘yicha rasmiy munosabat bilan chiqdi.
Qayd etilishicha, agentlikning xabarida vazirlik tomonidan Davlat xaridlari sohasida qonun talablariga rioya qilinishida xato va kamchiliklar mavjudligi bayon etilgan.
“Takidlash kerakki, ushbu holatlar Mudofaa vazirligi budjet mablag‘lariga mutlaqo aloqasi bo‘lmagan harbiy savdo korxonalarining 5 yillik faoliyati davomida yo‘l qo‘yilgan xato va kamchiliklardan iborat ekanligi aniqlanganShu munosabat bilan, respublikamizdagi barcha elektron nashrlar va blogerlardan ma’lumotlarni noto‘g‘ri talqin qilmasliklarini so‘raymiz. Eslatib o‘tamiz, asoslanmagan yolg‘on xabar tarqatganlik uchun javobgarlik mavjud.”, — deyiladi xabarda.
Izoh (0)