Italiya A Seriyasi prezidenti Lorenso Kazini mamlakatda havo harorati haddan tashqari yuqori darajadaligi bois mavsum boshlanishi qiyin kechishi mumkinligi haqida gapirdi.
“Yangi mavsumni 13-avgustda boshlash qiyin bo‘ladi. Dastlabki muammo iqlim bilan bog‘liq. Chunki hozirgi harorat davom etadigan bo‘lsa, mavsumni belgilangan muddatda boshlash so‘roq ostida qoladi.
Ikkinchi jihat shundaki, ushbu mavsum Qatarda bo‘lib o‘tadigan Jahon Chempionati bilan bog‘liq tanaffus tufayli o‘z-o‘zidan g‘ayrioddiy o‘tadi”, — Kazinining so‘zlaridan iqtibos keltiradi Football Italia.
Eslatib o‘tamiz, 2021/22-yilgi mavsum A Seriyada “Milan” chempionlikni qo‘lga kiritgandi. Ikkinchi o‘rinni “Inter”, uchinchi o‘rinni esa “Napoli” egalladi. “Yuventus” mavsumni to‘rtinchi o‘rinda yakunladi.
Yevropada, jumladan, Italiyada ham ayni vaqtda anomal issiq kuzatilmoqda.
Izoh (0)