Италия А Серияси президенти Лоренцо Казини мамлакатда ҳаво ҳарорати ҳаддан ташқари юқори даражадалиги боис мавсум бошланиши қийин кечиши мумкинлиги ҳақида гапирди.
«Янги мавсумни 13 августда бошлаш қийин бўлади. Дастлабки муаммо иқлим билан боғлиқ. Чунки ҳозирги ҳарорат давом этадиган бўлса, мавсумни белгиланган муддатда бошлаш сўроқ остида қолади.
Иккинчи жиҳат шундаки, ушбу мавсум Қатарда бўлиб ўтадиган Жаҳон Чемпионати билан боғлиқ танаффус туфайли ўз-ўзидан ғайриоддий ўтади», — Казинининг сўзларидан иқтибос келтиради Football Italia.
Эслатиб ўтамиз, 2021/22 йилги мавсум А Серияда «Милан» чемпионликни қўлга киритганди. Иккинчи ўринни «Интер», учинчи ўринни эса «Наполи» эгаллади. «Ювентус» мавсумни тўртинчи ўринда якунлади.
Европада, жумладан, Италияда ҳам айни вақтда аномал иссиқ кузатилмоқда.
Изоҳ (0)