“Real” klubi bosh murabbiyi Karlo Anchelotti AQShdagi mavsumoldi yig‘ini doirasida “Barselona”ga qarshi kechgan nazorat o‘yinidan (0:1) keyin o‘z fikrlarini bildirib o‘tdi.
Tarkib haqida“Real” tarkibida yuqori raqobat bor, bizda futbolchilar ko‘p. Hozirgi tarkibimiz o‘tgan mavsumdagiga nisbatan yaxshiroq. Mashg‘ulotlar intensivligi oshirilgan.
Antonio Ryudigerni chap qanot himoyasida o‘ynatgani borasida
Ryudigerning qanotdagi harakatlari menga yoqdi. Aqldan ozgan emasman va bu uning pozitsiyasi emasligini bilaman, biroq u juda aqlli. U chap qanotda o‘ynashi yoki Alaba bilan joy almashishi mumkin. David faqat imkonsiz holatda chap qanotda o‘ynaydi. O‘tgan mavsum shakllangan (markaziy himoya) juftligini bo‘lib yubormoqchi emasman.
Marko Asensio va Dani Sebalyosning kelajagi haqida
Asensio va Sebalyos masalasi meni bezovta qilmayapti. Raqobat o‘sdi, biroq ular yaxshi ishlayapti. Kelajak haqida ular o‘zlari qaror chiqaradi.
Karlo Anchelotti, “Real” bosh murabbiyi
Izoh (0)