Qashqadaryo viloyati Yakkabog‘ tumanida 18-iyul kuni spirtli ichimlik ta’sirida janjal kelib chiqdi. Bu haqda viloyat Ichki ishlar boshqarmasi xabar qildi.
Qayd etilishicha, tumanning “Obod” mahallasida yashovchi fuqarolar M.J. va Y.N. birga spirtli ichimlik iste’mol qilgan. Mast holatda o‘rtada janjal yuzaga kelgan. Atrofdagi fuqarolar ularni ajratib, uylariga jo‘natib yuborgan.
Shu kuni soat 21:00 larda Y.N. uyiga kelib, oshxona pichog‘ini olib, jahl ustida mahalladoshi M.J.ning uyiga borgan. Hovlida yurgan M.J. hech narsadan bexabar unga peshvoz chiqqanda Y.N. uning tanasining duch kelgan joyiga bir necha marta pichoq urgan.
Holat yuzasidan Yakkabog‘ tuman prokuraturasi tomonidan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Izoh (0)