Farg‘ona viloyatining Marg‘ilon shahrida yashovchi fuqaro S.T. ikki nafar voyaga yetmagan farzandining moddiy ta’minoti uchun undirilishi belgilangan aliment o‘rniga uy sovg‘a qildi, deb xabar berdi “Daryo” muxbiri.
MIB Farg‘ona viloyati boshqarmasining ma’lum qilishicha, fuqarolik ishlari bo‘yicha Marg‘ilon tumanlararo sudining 2021-yil 23-apreldagi ijro hujjatiga asosan qarzdor S.T.dan undiruvchi S.T. foydasiga ikki nafar voyaga yetmagan farzandining moddiy ta’minoti uchun aliment undirilishi belgilangan. Biroq qarzdor alimentdan bo‘lgan qarzlarini to‘liq to‘lamay kelgan.
Joriy yilning 7-iyul kuni o‘zaro kelishuvga asosan S.T. voyaga yetmagan ikki nafar farzandining moddiy ta’minoti uchun ular 18 yoshga to‘lguniga qadar to‘lashi lozim bo‘lgan 90 million 132 ming so‘m aliment mablag‘lari o‘rniga o‘z nomidagi xonadonni notarius orqali rasmiylashtirib bergan.
Undiruvchi arizasi bilan ushbu ijro hujjatining ish yurituvi tamomlangan.
Izoh (0)