Қашқадарё вилояти Яккабоғ туманида 18 июль куни спиртли ичимлик таъсирида жанжал келиб чиқди. Бу ҳақда вилоят Ички ишлар бошқармаси хабар қилди.
Қайд этилишича, туманнинг «Обод» маҳалласида яшовчи фуқаролар М.Ж. ва Й.Н. бирга спиртли ичимлик истеъмол қилган. Маст ҳолатда ўртада жанжал юзага келган. Атрофдаги фуқаролар уларни ажратиб, уйларига жўнатиб юборган.
Шу куни соат 21:00 ларда Й.Н. уйига келиб, ошхона пичоғини олиб, жаҳл устида маҳалладоши М.Ж.нинг уйига борган. Ҳовлида юрган М.Ж. ҳеч нарсадан бехабар унга пешвоз чиққанда Й.Н. унинг танасининг дуч келган жойига бир неча марта пичоқ урган.
Ҳолат юзасидан Яккабоғ туман прокуратураси томонидан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Изоҳ (0)