Surxondaryo viloyati Sho‘rchi tumanida 19-iyul kuni Suriyadagi “Tavhid va jihod katibasi” xalqaro terrorchilik tashkilotiga qo‘shilishni istagan shaxs qo‘lga olindi. Bu haqda O‘zA xabar qildi.
Qayd etilishicha, Q.M. (2002-yilda tug‘ilgan) Toshkent shahri Yunusobod tumanidagi avtomoykalarning birida ishlashi davomida internet orqali “Tavhid va jihod katibasi” media markazi xodimi, Qirg‘iziston fuqarosi, diniy laqabi Saad Muxtor bo‘lgan A.A. (1996-yilda tug‘ilgan) bilan muloqotda bo‘lgan. Uning g‘oyaviy ta’siri ostida hijrat va jihod qilish maqsadida Suriyaga chiqib ketishni reja qilgan.
Ushbu shaxs Davlat xavfsizlik xizmati xodimlari tomonidan ushlangan.
Izoh (0)