Buxoro viloyati Shofirkon tumanida chorva mollari keltirib berishni va’da qilgan firibgar aniqlandi, deb xabar beradi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Shofirkon tuman bo‘limi tomonidan tergovga qadar tekshiruv o‘tkazilgan. Unda fuqaro M.O. A.S. fermer xo‘jaligi rahbari A. hamda fuqaro S.ning ishonchiga kirib, jami 147 bosh naslli chorva mollarini keltirib berishni va’da qilgani aniqlangan. U fuqarolarning 269,5 million so‘m pulini va 4 800 dollarini firibgarlik yo‘li bilan qo‘lga kiritgan.
Tekshiruv davomida fuqaro M.O. o‘z aybiga iqror bo‘lib, 150,5 million so‘mni qaytargani protsessual tartibda rasmiylashtirilgan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)