Gollivudning mashhur aktrisasi Kameron Dias sakkiz yil avval kino olamini tark etgan. Aktrisa musiqachi Benji Meddenga turmushga chiqqanidan so‘ng karyerasida biroz tanaffus qilishga va o‘zini butunlay oilaviy hayotga bag‘ishlashga qaror qilgandi. O‘shandan beri ko‘p narsa o‘zgardi, faqat Kameron hali ham o‘z faoliyatini tiklamadi, deb yozadi People Talk.
Oradan vaqt o‘tib, CBS Saturday Morning telekanaliga bergan intervyusida u o‘z kasbini sog‘inayotganini aytib o‘tdi. “Menga aktyorlik mahorati hamda filmlarga prodyuserlik qilish yetishmayapti. Ha, kino yaratish uchun shug‘ullanish qiziq bo‘lgan o‘ziga xos ko‘nikmalar talab qilinadi. Bu boshqa hayot tarzi va bunga tamoman tayyor bo‘lish kerak”, — dedi Dias.
Shuningdek, u mashhurlikning eng cho‘qqisida kino sanoatini tark etishining sababini ham ma’lum qildi. Eslatib o‘tamiz, o‘sha vaqtda Kameron eng ko‘p maosh oluvchi aktrisa hisoblangan.
“Agar siz o‘zingiz yaxshi bilgan narsani bajarsangiz, u hayotingizga butunlay singib ketadi. Aytmoqchimanki, ijozat bersangiz men bir soniyaga to‘xtab, tashqi tomondan sodir bo‘layotgan barchasiga, yaxshilanishi mumkin bo‘lgan narsalarga va o‘zimni mukammal his qilish uchun nima qilishim kerakligini ko‘rib chiqmoqchiman”, — dedi aktrisa.
Oradan 8 yil o‘tib, aktrisaning kinoga qaytayotgani ma’lum bo‘ldi. U Netflix’ning “Back in action” komediyasida ishtirok etadi, filmga Set Gordon rejissorlik qiladi.
Izoh (0)