Голливуднинг машҳур актрисаси Камерон Диас саккиз йил аввал кино оламини тарк этган. Актриса мусиқачи Бенжи Медденга турмушга чиққанидан сўнг карьерасида бироз танаффус қилишга ва ўзини бутунлай оилавий ҳаётга бағишлашга қарор қилганди. Ўшандан бери кўп нарса ўзгарди, фақат Камерон ҳали ҳам ўз фаолиятини тикламади, деб ёзади People Talk.
Орадан вақт ўтиб, CBS Saturday Morning телеканалига берган интервьюсида у ўз касбини соғинаётганини айтиб ўтди. «Менга актёрлик маҳорати ҳамда фильмларга продюсерлик қилиш етишмаяпти. Ҳа, кино яратиш учун шуғулланиш қизиқ бўлган ўзига хос кўникмалар талаб қилинади. Бу бошқа ҳаёт тарзи ва бунга тамоман тайёр бўлиш керак», — деди Диас.
Шунингдек, у машҳурликнинг энг чўққисида кино саноатини тарк этишининг сабабини ҳам маълум қилди. Эслатиб ўтамиз, ўша вақтда Камерон энг кўп маош олувчи актриса ҳисобланган.
«Агар сиз ўзингиз яхши билган нарсани бажарсангиз, у ҳаётингизга бутунлай сингиб кетади. Айтмоқчиманки, ижозат берсангиз мен бир сонияга тўхтаб, ташқи томондан содир бўлаётган барчасига, яхшиланиши мумкин бўлган нарсаларга ва ўзимни мукаммал ҳис қилиш учун нима қилишим кераклигини кўриб чиқмоқчиман», — деди актриса.
Орадан 8 йил ўтиб, актрисанинг кинога қайтаётгани маълум бўлди. У Netflix’нинг «Баcк ин аcтион» комедиясида иштирок этади, фильмга Сет Гордон режиссёрлик қилади.
Изоҳ (0)