Hayot tashvishlaridan uzilib, yengil nafas olishga yordam beradigan filmlarni tomosha qilishni taklif etamiz. Ular tinchlik, do‘stlik, sevgi, orzular va ijodkorlik haqida. O‘zingizga yoqqan filmni tanlang va vaqtingizni chog‘ o‘tkazing.
“Stajyor”
Chegaralar faqat o‘zimizning ongimizda ekanini isbotlab beradigan ajoyib film. 70 yoshli beva qolgan Ben Uitaker (Robert De Niro) nafaqaga chiqish u uchun emas, degan qarorga keladi va Jyul Ostin (Anne Xeteuey) boshqaradigan onlayn do‘kon saytida stajyor sifatida ish boshlaydi.
“Benzokolonka malikasi”
Balet bilan shug‘ullanishni orzu qilgan maftunkor qiz Lyudmila o‘zi istamagan holda yonilg‘i quyish shoxobchasida ishchi bo‘lib ishlaydi. Jonkuyar odamlar, orzular va cheksiz optimizm haqidagi ajoyib komediya.
“Eys Ventura: Uy hayvonlari detektivi”
Qiziqarli detektiv komediya birinchi navbatda hayvonlarga muhabbat haqida. Dam olish kunlari uchun eng yaxshi film: kichik do‘stlarimiz va Jim Kerrining hazil-mutoyiba, yuz ifodalari va plastikasining beqiyos ifodasi.
“Kumush konkilar”
XIX asr ta’rifiga ko‘ra romantik davr hisoblangan. Bu film kutilmaganda uchrashib qolgan butunlay boshqa sinfdagi ikki yosh haqida. Biri chiroqchining o‘g‘li, uning yagona boyligi – otasidan meros qolgan kumush konkilar; biri esa ilm-fanni orzu qiladigan buyuk zotning qizi. Ular birgalikda orzulari sari harakat qilishga qaror qilishadi.
“Shrek”
Multfilmlar faqat bolalar uchun, deb kim aytdi? Kattalar ham birdek qiziqib tomosha qiladigan multfilmlardan biri “Shrek” kartinasidir. G‘ayrioddiy sujet, ajoyib hazil va maftunkor personajlar — ajoyib kombinatsiya.
“Buyuk shoumen”
Agar myuzikllarni yaxshi ko‘rsangiz, unda bu film albatta yuragingizni zabt etadi. Musiqiy filmlarga befarq bo‘lsangiz, real hikoyaga asoslangan ushbu filmni ko‘rishni tavsiya qilamiz.
1+1
Bu film ko‘pchilikning sevimli filmlari qatorida ekani shubhasiz. Kartina rahm-shafqat, hayotga bo‘lgan ishtiyoq, haqiqiy do‘stlik, oilaviy rishtalar va sevgi haqida. Real voqealarga asoslangan film sizni befarq qoldirmaydi. Albatta yaxshilik har doim g‘alaba qozonishi va turli xil farqlarga qaramay, odamlar bir-birlarini sevishi mumkinligini ko‘rsatadi.
Mavzuga doir:
Izoh (0)