Tom Kruz ishtirokidagi “Top Gan: Meverik” filmi jahon prokatida 1 milliard dollardan ortiq mablag‘ to‘pladi. Ularning 521 million AQSH va 484 million dollari qolgan davlatlar hisobiga to‘g‘ri keladi, deb xabar bermoqda “Film.ru”.
Film prokatning beshinchi haftasida Baz Lurmanning “Elvis” kartinasi bilan birga Shimoliy Amerikada birinchi o‘rinni egallagan (ikkisi ham 30,5 million dollardan). “Meverik” bir oy ichida “Doktor Strenj: telbalik multidunyosida”dan o‘tib ketib, yilning eng kassabop filmiga aylandi.
Shuningdek, lenta Kruz karyerasidagi eng katta reliz nomiga ega bo‘lgan — uning ishtirokidagi birinchi milliard dollarlik loyiha. 1986-yilgi “Eng yaxshi mergan” sikveli Paramount studiyasining Jeyms Kemeronni “Titanik”i va ikkita “Transformerlar”dan keyingi to‘rtinchi milliarderiga aylangan edi.
Eslatib o‘tamiz, “Top Gan: Meverik” AQSH prokatida chiqarilgan birinchi kunidayoq 51 million dollar to‘plashga muvaffaq bo‘lgandi.
Izoh (0)