Millionlab muxlislarning e’tirofiga sazovor bo‘lgan mashhurlar orasida ko‘plab filmlarda rol ijro etgan, biroq tomoshabinlar bir obrazi orqali eslaydigan jahon kinosi yulduzlari ham bor.
Kevin Maknelli
Kevin Maknelli ikkinchi darajali rollar qiroli. Uning ko‘plab rollari muxlislarning qalbidan joy olgan. Aktyor “Daunton”, “Toj”, “Doktor kim”, “Opera arvohi”, “Agent Jonni English” va boshqa ko‘plab loyihalarda rol o‘ynagan. U Gollivud yulduzi Tom Xardi bilan “Shovqinli balandliklar” filmida axloqi yuksak boy odam Ernsho obrazini gavdalantirgan.
Maknellining eng mashhur roli “Karib dengizi qaroqchilari” filmidagi qaroqchi Gibbs roli hisoblanadi. U filmning barchasida, ya’ni 5 ta qismida ham ishtirok etadigan 3 ta aktyorning biri. Juda ko‘p filmlarni ijro etishiga qaramay u hech qanday mukofotga sazovor bo‘lmagan.
Fiona Shou
Aktrisa intervyularining birida aytishicha, mashinada otasi bilan uning uyi oldidan o‘tib ketayotgan bolalar “Bu yerda Garri Potterning buvisi yashaydi” deganini eshitib qolgan. Boshqacha qilib aytganda, aktrisa yosh muxlislarning qalbiga shu filmdagi roli orqali kirib borgan. Boshqa muxlislarning aytishiga qaraganda uni Petunya Durslining xolasi roli mashhur qilgan. Aktrisaning teatrdagi muxlislari esa uni umuman boshqa sahna asari orqali eslaydi. U juda ko‘p filmlarda ishtirok etgan. Fiona Shou “Yeva o‘ldirganda” serialidagi roli uchun Emmi mukofotiga nomzodlar qatoriga kiritilgan.
Ian Makdermid
Ian Makdermid “Yulduzlar jangi” trilogiyasida imperator Pallatin rolini ijro etgan. Teatr sohasida ham juda mashhurlikka erishgan aktyor “Jinoyat va jazo” filmida ham ishtirok etdi. Ian Makdermid “Uyqusimon bo‘shliq” kinokartinasidagi doktor Tomas Lankaster roli orqali mashhurlikka erishgan.
Kristanna Loken
Aktrisa 2003-yilda eng mashhur roli — Jonatan Mostouning “Terminator 3: Mashinalarning yuksalishi” filmidagi T-X terminatorini rolini gavdalantirdi. U oradan 2 yil o‘tib video o‘yinga asoslangan “Bladreyn” filmida bosh rolni o‘ynadi. Kinokartina muvaffaqiyatsizlikka uchradi, biroq ba’zi tanqidchilar Kristanna “filmni biroz saqlab qolganini” aytdi. Shundan keyin aktrisa “Laym ta’mli sevgi” filmidagi roli uchun ikkinchi plandagi eng yaxshi aktrisa sifatida tan olingan.
Arnold Voslu
Voslu “Mumiyo” filmining 2 ta qismida ham ishtirok etgan. Aynan shu kinofilmdagi roli aktyorga shon-shuhrat keltirdi. U hali ham turli loyihalarda ishtirok etadi, biroq bosh rolni ijro etmaydi. Ko‘plab muxlislar Arnoldni “Kobraning tashlanishi”, “Jinoyatchilardek o‘ylash” va “Qora ro‘yxat” filmidagi Zartan roli orqali eslaydi.
Jon Ris-Devis
Eng mashhur gnomlardan biri Gimli Jon Ris-Devis ijrosida yanada yuksak e’tirof etildi. Shuningdek u Indiana Jons haqidagi bir qator filmlarda misrlik Salloh roli bilan tanilgan. Aktyor “Shannara yilnomalari”, “Yulduzli trek” kabi kinofilmlardagi obrazi orqali ham mashhurlikka erishgan. “Shogun” serialidagi roli uchun aktyor Emmi mukofotiga nomzod bo‘lgan.
Robert Shon Leonard
Aktyor 2000-yillarda suratga olingan doktor Haus haqidagi serialda rol ijro etdi, Robert serial ortidan katta mashhurlikka erishdi. Serial barcha turdagi reytinglarning yuqorisiga chiqdi, hattoki Ginnesning rekordlari kitobiga ham kirdi. Robert Shon Leonardni tomoshabinlar doktor Uilson sifatida eslab qoldi. Aktyor dastlab bu rolga rozi bo‘lmagan, chunki o‘sha paytda unga ikkita kinofilmdan taklif bo‘lgan. Robert oxirida doktor Haus haqidagi serialni tanlaydi. Robert Shon Leonard bu serialdan oldin “O‘lik shoirlar jamiyati” filmida rol ijro etgan.. U Nil obrazi uchun Chikago kino tanqidchilari uyushmasining vakili nominatsiyasini olgan.
Reychel Brosnaxen
Aktrisa “Yaxshi xotin”, “C.S.I.: Mayamidagi jinoyat joyini tekshirish”, “Greyning anatomiyasi” seriallarida suratga tushgan. Uning eng muvaffaqiyatli roli “Kartlar uyi” filmidagi Reychel Pozner obrazi bo’lgan, aktrisa Emmi mukofotiga nomzod bo‘ldi. Yulduz 2018-yilda “Ajoyib missis Meysel” teleserialidagi Miriam Meysel roli uchun “Oltin globus” va “Emmi” mukofotlarini qo‘lga kiritdi. Uy bekasi roli uning barcha rollarini ortda qoldirdi. Aktrisa “Josuslik o‘yinlari” filmida Benedikt Kamberbatch bilan birga rol ijro etgan.
Pol Goddard
“Matritsa” filmida agent Smitdan tashqari yana bir — agent Braun roli bor edi. Uni avstraliyalik aktyor Pol Goddard ijro etgan. Aktyor Trinitini ta’qib etish va Morfeyni so‘roq qilish sahnalarida qatnashgan. Ammo bu aktyorning “Beyb: to‘rt oyoqli chaqaloq” filmida rol ijro etganini juda kam odam eslaydi.
Julian Makmexon
Julian “Maftun bo’lgan” filmidagi qahramoni juda ayyor bo‘ladi. U Koulning 3-mavsumida Fibga yoqadigan prokuror yordamchisi sifatida ekranlarda paydo bo‘ladi. Bir muncha vaqt o‘tgach, filmdagi opa-singillar Koulning Baltazar ekanligini bilishadi. Serial aktyorni mashhur qiladi va shundan keyin unga juda ko‘p takliflar tushadi. U “Tana qismlari” va “Fantastik to‘rtlik” filmining ikkita qismida rol o‘ynagan. Biroq superqahramon filmidagi aktyorni tanish biroz mushkulroq: u doimo niqob kiyib yuradigan Doktor Doom obrazida namoyon bo‘ladi.
Rouz Lesli
Jasur yirtqich Igritt rolini Rouz Lesli ijro etgan. Ushbu rol uchun aktrisa Guild mukofotiga nomzod bo‘lgan, ammo u ushbu mukofotni ololmagan. Aktrisa “Daunton” serialida xizmatkor rolini ham ijro etgan, biroq buni juda kam inson eslaydi. Aktrisa yaqinda suratga olingan Agata Kristining asari asosida suratga olingan “Nildagi qotillik” filmida ham xizmatkor Luiza rolini o‘ynagan.
Mavzuga doir:
- Ajoyib suratlar: Anjelina Joli, Joni Depp, Kianu Rivz va boshqa mashhurlar birinchi rolini ijro etganda qanday ko‘rinishda bo‘lgan?
- Adel, Ember Xyord: ajrashgandan so‘ng sezilarli darajada qashshoqlashgan mashhurlar (foto)
- O‘zgalarning oilasini buzish evaziga o‘z baxtini qurgan mashhurlar (foto)
- Anjelina Joli, Liam Nison va filmlardagi qahramonlarining taqdirini takrorlagan boshqa mashhurlar (foto).
Izoh (0)