Bred Pittga insonlarning yuzini eslolmaslik — prozopagnoziya kasalligi tashxisi qo‘yildi. Aktyor insonlarning tashqi ko‘rinishini unutib qo‘yayotgani uchun uydan chiqmaslikni to‘g‘ri deb bilishini aytgan.
“Hech kim menga ishonmaydi! Men boshqa (shu kasallik bilan og‘rigan odam) bilan uchrashmoqchiman”, — deydi aktyor. Ushbu kasallikka chalingan odamlar hatto yaqin qarindoshlarining ko‘rinishini, ba’zi hollarda esa ko‘zguda o‘zining aksini ham tanimasligi mumkin. Odamlarni tanib olish uchun ular soch turmagi, yurishi yoki parfyumeriya hidini eslab qolishga harakat qilishadi.
Bred Pitt birinchi marta bu haqda 2013-yilda Esquire jurnaliga bergan intervyusida gapirgan. Aktyorning so‘zlariga ko‘ra, u bilan uchrashgan insonni eslab qolishga harakat qilgan bo‘lsa ham, bo‘lmagan, u barchasini unutib yuborgan.
“Ko‘pchilik mendan nafratlanadi, chunki ular meni hurmat qilmaydi deb o‘ylashadi. Qasam ichamanki, bir yil davomida odamlardan qayerda ko‘rishganimizni so‘radim. Biroq bu holat yanada yomonlashdi. Odamlar mendan xafa bo‘ldi. Lekin vaqti-vaqti bilan kimdir menga qayerda uchrashganimizni aytib berardi va men ularga eslatma uchun rahmat aytardim”,— dedi aktyor.
U gaplariga qo‘shimcha qilib, “Siz juda ko‘p odamlarni uchratasiz. Keyin yana ular bilan uchrashasiz”, — degan. Gollivud yulduzi shuning uchun ham uyda qolishini aytgan.
Mavzuga doir:
- Taniqli Gollivud aktyori Bred Pitt kinodagi faoliyatini yakunlamoqda
- Gollivud yulduzi Bred Pitt sobiq rafiqasi Jennifer Enistonga 79 million dollarlik uy sovg‘a qildi
- Priyanka Chopra tekinga, Bred Pitt bir chashka qahva uchun — mashhur filmlardagi rollari uchun gonorar olmagan aktyor va aktrisalar
- Politsiyachi Rayan Reynolds, Bred Pitt — yollanma ishchi. Kutilmagan baxtli tasodif tufayli mashhur bo‘lgan Gollivud yulduzlari (foto)
Izoh (0)