Миллионлаб мухлисларнинг эътирофига сазовор бўлган машҳурлар орасида кўплаб фильмларда рол ижро этган, бироқ томошабинлар бир образи орқали эслайдиган жаҳон киноси юлдузлари ҳам бор.
Кевин Макнелли
Кевин Макнелли иккинчи даражали роллар қироли. Унинг кўплаб роллари мухлисларнинг қалбидан жой олган. Актёр «Даунтон», «Тож», «Доктор ким», «Опера арвоҳи», «Агент Жонни English» ва бошқа кўплаб лойиҳаларда рол ўйнаган. У Голливуд юлдузи Том Харди билан «Шовқинли баландликлар» фильмида ахлоқи юксак бой одам Эрншо образини гавдалантирган.
Макнеллининг энг машҳур роли «Кариб денгизи қароқчилари» фильмидаги қароқчи Гиббс роли ҳисобланади. У фильмнинг барчасида, яъни 5 та қисмида ҳам иштирок этадиган 3 та актёрнинг бири. Жуда кўп фильмларни ижро этишига қарамай у ҳеч қандай мукофотга сазовор бўлмаган.
Фиона Шоу
Актриса интервьюларининг бирида айтишича, машинада отаси билан унинг уйи олдидан ўтиб кетаётган болалар «Бу ерда Гарри Поттернинг бувиси яшайди» деганини эшитиб қолган. Бошқача қилиб айтганда, актриса ёш мухлисларнинг қалбига шу фильмдаги роли орқали кириб борган. Бошқа мухлисларнинг айтишига қараганда уни Петуня Дурслининг холаси роли машҳур қилган. Актрисанинг театрдаги мухлислари эса уни умуман бошқа саҳна асари орқали эслайди. У жуда кўп фильмларда иштирок этган. Фиона Шоу «Ева ўлдирганда» сериалидаги роли учун Эмми мукофотига номзодлар қаторига киритилган.
Иан Макдермид
Иан Макдермид «Юлдузлар жанги» трилогиясида император Паллатин ролини ижро этган. Театр соҳасида ҳам жуда машҳурликка эришган актёр «Жиноят ва жазо» фильмида ҳам иштирок этди. Иан Макдермид «Уйқусимон бўшлиқ» кинокартинасидаги доктор Томас Ланкастер роли орқали машҳурликка эришган.
Кристанна Локен
Актриса 2003 йилда энг машҳур роли — Жонатан Мостоунинг «Терминатор 3: Машиналарнинг юксалиши» фильмидаги Т-Х терминаторини ролини гавдалантирди. У орадан 2 йил ўтиб видео ўйинга асосланган «Бладрейн» фильмида бош ролни ўйнади. Кинокартина муваффақиятсизликка учради, бироқ баъзи танқидчилар Кристанна «фильмни бироз сақлаб қолганини» айтди. Шундан кейин актриса «Лайм таъмли севги» фильмидаги роли учун иккинчи пландаги энг яхши актриса сифатида тан олинган.
Арнольд Вослу
Вослу «Мумиё» фильмининг 2 та қисмида ҳам иштирок этган. Айнан шу кинофильмдаги роли актёрга шон-шуҳрат келтирди. У ҳали ҳам турли лойиҳаларда иштирок этади, бироқ бош ролни ижро этмайди. Кўплаб мухлислар Арнольдни «Кобранинг ташланиши», «Жиноятчилардек ўйлаш» ва «Қора рўйхат» фильмидаги Зартан роли орқали эслайди.
Жон Рис-Дэвис
Энг машҳур гномлардан бири Гимли Жон Рис-Дэвис ижросида янада юксак эътироф этилди. Шунингдек у Indiaна Жонс ҳақидаги бир қатор фильмларда мисрлик Саллоҳ роли билан танилган. Актёр «Шаннара йилномалари», «Юлдузли трек» каби кинофильмлардаги образи орқали ҳам машҳурликка эришган. «Шогун» сериалидаги роли учун актёр Эмми мукофотига номзод бўлган.
Роберт Шон Леонард
Актёр 2000 йилларда суратга олинган доктор Ҳаус ҳақидаги сериалда рол ижро этди, Роберт сериал ортидан катта машҳурликка эришди. Сериал барча турдаги рейтингларнинг юқорисига чиқди, ҳаттоки Гиннеснинг рекордлари китобига ҳам кирди. Роберт Шон Леонардни томошабинлар доктор Уилсон сифатида эслаб қолди. Актёр дастлаб бу ролга рози бўлмаган, чунки ўша пайтда унга иккита кинофильмдан таклиф бўлган. Роберт охирида доктор Ҳаус ҳақидаги сериални танлайди. Роберт Шон Леонард бу сериалдан олдин «Ўлик шоирлар жамияти» фильмида рол ижро этган.. У Нил образи учун Чикаго кино танқидчилари уюшмасининг вакили номинациясини олган.
Рейчел Броснахен
Актриса «Яхши хотин», «C.С.I.: Майамидаги жиноят жойини текшириш», «Грэйнинг анатомияси» сериалларида суратга тушган. Унинг энг муваффақиятли роли «Картлар уйи» фильмидаги Рейчел Познер образи бўлган, актриса Эмми мукофотига номзод бўлди. Юлдуз 2018 йилда «Ажойиб миссис Мейсел» телесериалидаги Мириам Мейсел роли учун «Олтин глобус» ва «Эмми» мукофотларини қўлга киритди. Уй бекаси роли унинг барча ролларини ортда қолдирди. Актриса «Жосуслик ўйинлари» фильмида Бенедикт Камбербатч билан бирга рол ижро этган.
Пол Годдард
«Матрица» фильмида агент Смитдан ташқари яна бир — агент Браун роли бор эди. Уни австралиялик актёр Пол Годдард ижро этган. Актёр Тринитини таъқиб этиш ва Морфейни сўроқ қилиш саҳналарида қатнашган. Аммо бу актёрнинг «Бейб: тўрт оёқли чақалоқ» фильмида рол ижро этганини жуда кам одам эслайди.
Жулиан Макмехон
Жулиан «Мафтун бўлган» фильмидаги қаҳрамони жуда айёр бўлади. У Коулнинг 3-мавсумида Фибга ёқадиган прокурор ёрдамчиси сифатида экранларда пайдо бўлади. Бир мунча вақт ўтгач, фильмдаги опа-сингиллар Коулнинг Балтазар эканлигини билишади. Сериал актёрни машҳур қилади ва шундан кейин унга жуда кўп таклифлар тушади. У «Тана қисмлари» ва «Фантастик тўртлик» фильмининг иккита қисмида рол ўйнаган. Бироқ суперқаҳрамон фильмидаги актёрни таниш бироз мушкулроқ: у доимо ниқоб кийиб юрадиган Доктор Доом образида намоён бўлади.
Роуз Лесли
Жасур йиртқич Игритт ролини Роуз Лесли ижро этган. Ушбу рол учун актриса Гуилд мукофотига номзод бўлган, аммо у ушбу мукофотни ололмаган. Актриса «Даунтон» сериалида хизматкор ролини ҳам ижро этган, бироқ буни жуда кам инсон эслайди. Актриса яқинда суратга олинган Агата Кристининг асари асосида суратга олинган «Нилдаги қотиллик» фильмида ҳам хизматкор Луиза ролини ўйнаган.
Мавзуга доир:
- Ажойиб суратлар: Анжелина Жоли, Жони Депп, Киану Ривз ва бошқа машҳурлар биринчи ролини ижро этганда қандай кўринишда бўлган?
- Адел, Эмбер Хёрд: ажрашгандан сўнг сезиларли даражада қашшоқлашган машҳурлар (фото)
- Ўзгаларнинг оиласини бузиш эвазига ўз бахтини қурган машҳурлар (фото)
- Анжелина Жоли, Лиам Нисон ва фильмлардаги қаҳрамонларининг тақдирини такрорлаган бошқа машҳурлар (фото).
Изоҳ (0)