Gollivud aktrisasi Kristen Danst o‘zining uzoq yillik sevgilisi va ikki farzandning otasi Jessi Plemonsga turmushga chiqdi. Tantanali marosim uchun taniqli juftlik Yamaykadagi hashamatli kurortni tanladi. Mish-mishlarga ko‘ra, bu yerda Yan Fleming o‘zining Jeyms Bond haqidagi romanlarini, qo‘shiqchi Sting esa afsonaviy Every Breath You Take qo‘shig‘ini yozgan, deb xabar beradi Elle.
Eng qizig‘i shundaki, Danst va Plemons xuddi bashorat qilinganidek ekranda ikki marta baxtli juftlik rolini o‘ynagan. Dastlab ular “Fargo” teleserialining suratga olish maydonchasida uchrashishgan. Ikkinchi marta — Netflix’ning “It qudrati” kartinasida ishtirok etdi. Ushbu film uchun ikkalasi ham “Oskar-2022” mukofotiga “Eng yaxshi ikkinchi plandagi aktyor” nominatsiyasiga nomzod bo‘lgan.
Kirsten va Jessi unashtirilganini 2017-yil yanvar oyida e’lon qilgan, ammo juftlik oradan faqat besh yil o‘tibgina oila qurishga qaror qildi. Bundan tashqari, nikoh marosimi ikkisi uchun faqat rasmiyatchilik bo‘lganga o‘xshaydi. Danst LA Times’ga ma’lum qilganidek, ular uzoq vaqtdan o‘zlarini bir oila deb biladi. Qolaversa, ularning to‘yi pandemiya va aktrisaning ikkinchi farzandi dunyoga kelishi tufayli qoldirilgan.
Mavzuga doir:
- Anjelina Joli, Keyt Uinslet va ilk rolidagi ko‘rinishidan tanish mushkul bo‘lgan boshqa yulduzlar (foto)
- Stilist va plastik operatsiyalardan avval: Gollivud yulduzlari ilk bor qizil yo‘lakda qanday ko‘rinishda bo‘lgan? (foto)
- Turli sabablarga ko‘ra mashhur rollardan quruq qolgan Gollivud yulduzlari (foto)
Izoh (0)