Qozog‘istondagi Tengiz neft-gaz konida quvur portlashi oqibatida 1985-yilda tug‘ilgan ikki ishchi halok bo‘ldi, yana uch nafari jarohatlandi, deya xabar berdi Atirau viloyati politsiya boshqarmasi.
Portlash 6-iyul kuni ertalab Jilyoy tumanida sodir bo‘lgan.
Voqea yuzasidan mehnatni muhofaza qilish qoidalarini buzish (Qozog‘iston Jinoyat kodeksining 156-moddasi 3-qismi) moddasi bo‘yicha tergov harakatlari olib borilmoqda.
“Tengizchevroil” (TCO) tomonidan o‘zlashtirilayotgan Tengiz neft va gaz koni Qozog‘istondagi eng yirik konlaridan biri bo‘lib, neft zaxirasi 3,2 milliard tonnani tashkil etadi. Kon Atirau viloyati hududida (mamlakat g‘arbida) joylashgan.
TCO hozirda Tengizdagi ishlab chiqarish hajmni kengaytirish bilan shug‘ullanmoqda, loyiha qiymati 45,2 milliard dollarga baholanib, uning yakunlanishi 2023-yilga mo‘ljallangan.
Izoh (0)