Eron kiberhujumlar oldini olish maqsadida o‘z bank tizimini yopib qo‘ydi, deb yozadi Anadolu Agency. Cheklovlar chet eldan kiberhujumlarga yo‘l qo‘ymaslik uchun hukumat tavsiyasiga ko‘ra kiritildi. Boshqa tafsilotlar oshkor qilinmayapti.
Eron so‘nggi yillarda ketma-ket kiberhujumlarga uchramoqda, ularda Isroilni ayblamoqda.
Avvalroq Tel-Aviv Tehronga qaratilgan shunga o‘xshash tahdidlar bilan chiqqan edi.
Eron tomoni ayblanayotgan kiberhujumlarning so‘nggisi haqida 14-iyun kuni Isroilning kiberxavfsizlik bo‘yicha Check Point Research kompaniyasi xabar bergandi.
Qayd etilishicha, Isroil va Amerikaning yuqori mansabli amaldorlari, shu jumladan, Isroil sobiq tashqi ishlar vaziri Sipi Livni va AQSHning Tel-Avivdagi sobiq elchisi fishing hujumi nishonlariga aylangan.
Eronliklar deb taxmin qilinayotgan xakerlar bir qator mansabdor shaxslar elektron pochtalariga buzib kirgan.
Eronda esa 27-iyun kuni Xuziston viloyatida mamlakatdagi eng yirik po‘lat quyish kompaniyalaridan biri kiberhujumga uchragandi.
Hujumdan keyin kompaniyaning uchta obyektida ishlab chiqarish to‘xtatilgan.
Avvalroq AQSH va Eron delegatsiyalari Qatar poytaxti Dohada bo‘lib o‘tgan muzokaralar yakunida Birgalikdagi keng qamrovli harakatlar rejasi (BKQHR) bo‘yicha kelishuvlarga erisha olmagani xabar berilgandi.
Izoh (0)