Қозоғистондаги Тенгиз нефть-газ конида қувур портлаши оқибатида 1985 йилда туғилган икки ишчи ҳалок бўлди, яна уч нафари жароҳатланди, дея хабар берди Атирау вилояти полиция бошқармаси.
Портлаш 6 июль куни эрталаб Жилёй туманида содир бўлган.
Воқеа юзасидан меҳнатни муҳофаза қилиш қоидаларини бузиш (Қозоғистон Жиноят кодексининг 156-моддаси 3-қисми) моддаси бўйича тергов ҳаракатлари олиб борилмоқда.
«Тенгизчевроил» (TCO) томонидан ўзлаштирилаётган Тенгиз нефть ва газ кони Қозоғистондаги энг йирик конларидан бири бўлиб, нефть захираси 3,2 миллиард тоннани ташкил этади. Кон Атирау вилояти ҳудудида (мамлакат ғарбида) жойлашган.
TCO ҳозирда Тенгиздаги ишлаб чиқариш ҳажмни кенгайтириш билан шуғулланмоқда, лойиҳа қиймати 45,2 миллиард долларга баҳоланиб, унинг якунланиши 2023 йилга мўлжалланган.
Изоҳ (0)