Toshkent viloyati, Yangiyo‘l tumani, “Tuyabo‘g‘iz” mahallasida joylashgan 30,5 sotix yer uchastkasi uchun kimoshdi savdolari 26 soatdan beri davom etmoqda. Ma’lumotlar “E-auksion” portalida e’lon qilingan.
Qariyb 26 soatdan buyon davom etayotgan savdoda (4-iyul 10:00 da boshlangan) 10 nafar talabgor ishtirok etmoqda. Bu vaqt ichida 2 mingga yaqin narx taklif etilgan.
Boshlang‘ich narxi 3,5 mln so‘mga ijara huquqi bilan savdoga chiqarilgan yer uchastkasi uchun ayni paytda 690 mln so‘m narx taklif etilmoqda. Auksion savdosi davom etmoqda.
Ma’lumot uchun, ushbu yerda maktabgacha ta’lim muassasasini qurishga ruxsat berilgan.
Izoh (0)