O‘zbekistondagi teledo‘kon iste’molchilarga 51 million so‘mdan ortiq zararni qoplab berishi kerakligi ma’lum bo‘ldi

Joriy yilda taniqli teledo‘konlardan biri “Hop Shop”ga e’tiroz bildirilgan ko‘plab murojaatlar kelib tushgan.Bu haqda Iste’molchilar huquqlarini himoya qilish agentligi xabar berdi.

Agentlikka tushgan 90 dan ortiq murojaatlar o‘rganilganda jami zarar miqdori 51 mln so‘mdan ortiqni tashkil etgani ma’lum bo‘ldi.

Aslida televizorda reklama qilingan tovarlarni o‘rganish uchun fursat yo‘qligi sabab iste’molchilar ularni ko‘pincha yetkazib berilgandan keyin sinab ko‘radi.

Buyurtma aynan iste’molchi kutganidek ya’ni televizorda ko‘rsatilganidan butunlay boshqacha bo‘lib chiqqan hollarda unga nisbatan e’tiroz bildiriladi.

Qonunga muvofiq – agar tovar haqida noto‘g‘ri yoki yetarli darajada to‘liq bo‘lmagan ma’lumot tovar sotib olinishiga sabab bo‘lsa, iste’molchi shartnomani bekor qilishga va o‘ziga yetkazilgan zararning qoplanishini talab qilishga haqlidir.

Noto‘g‘ri reklama oqibatida sotib olingan tovar (ish, xizmat) tufayli iste’molchiga yetkazilgan zarar ishlab chiqaruvchi (ijrochi, sotuvchi) tomonidan to‘liq hajmda qoplanishi lozim.

Iste’molchi mazkur huquqlaridan kafolat muddati davomida tovarning nuqsonlari aniqlangan taqdirdagina foydalanadi.