2021-yil boshidan buyon Yevropada tabiiy gaz narxi 700 foizga oshdi, shu sababli ko‘plab Yevropa davlatlari retsessiya yoqasida, deb yozadi Forbes Bloomberg ma’lumotlariga tayanib.
Bugungi kunda gaz global geosiyosiy jarayonlarni belgilovchi yoqilg‘i roli uchun neft bilan raqobatlashishga tayyor. U yangi sovuq urushning harakatlantiruvchi kuchi hisoblanadi.
Bu kuchlar to‘qnashuvi paydo bo‘layotgan davrning o‘zagi bo‘lib, shu qadar shiddatliki, G‘arb poytaxtlarida iqlim o‘zgarishiga qarshi kurashish rejalari bekor qilinmoqda, — deb yozadi Bloomberg.
Gazning bu darajada muhim bo‘lishiga Rossiya va Ukrainda o‘rtasidagi urush sabab bo‘lmoqda.
Urush ortidan G‘arb davlatlari Rossiyaga bir qancha sanksiyalar qo‘lladi va Rossiya ham Yevropaga gaz yetkazib berishni sezilarli darajada kamaytirishga qaror qildi. Yevropa davlatlari muqobil gaz manbalarini qidirmoqda.
Uzoq yillar davomida gaz mintaqaviy bozorlarda sotiladigan “harakatsiz” tovar bo‘lgan edi, ayni paytda esa faol ravishda globallashmoqda.
Dunyo endi gaz haqida bir vaqtlar neft bilan qanday fikrda bo‘lsa, xuddi shunday o‘ylaydi. Gazning bugungi iqtisodiyotdagi muhim roli yaqqol ko‘rinib qoldi, — deydi Kevin Book, ClearViyew Energy Partners boshqaruvchi direktori.
Gazning zamonaviy iqtisodiyotdagi muhim roli, ayniqsa, iyun oyi boshida Texasdagi suyultirilgan gaz (LNG) zavodida sodir bo‘lgan yong‘indan keyin sezilarli bo‘ldi.
Bloomberg ma’lumotlariga ko‘ra, Amerikaning Yevropaga yetkazib beradigan muhim zavodidagi yong‘indan so‘ng, Yevropa Ittifoqida yoqilg‘i narxi 60 foizga ko‘tarildi.
Izoh (0)