Rossiyadan quvurlar orqali tabiiy gaz yetkazib berish hajmining qisqarishi fonida Yevropada elektr energiyasi narxi o‘zining tarixiy eng yuqori ko‘rsatkichlarini yangiladi. Bu haqda Financial Times xabar berdi.
Xususan, Fransiya va Germaniyada keyingi yil uchun energiyaning bir MVt/soat narxi mos ravishda 366 yevro va 325 yevroga yetdi.
Mutaxassislarning prognozlariga ko‘ra, Yevropada haddan tashqari yuqori bo‘lgan gaz tanqisligiga qarshi kurash taxminan bir yil davom etadi.
Germaniyaning ko‘mir elektr stansiyalarini ishga tushirish orqali energiyaning yuqori narxini qoplashga urinishlari samara bermaydi, ayni vaqtda ko‘mir narxi ham nihoyatda yuqoriligicha qolmoqda.
Rossiyada gaz inqirozi kuchaysa, Buyuk Britaniya Yevropaga gaz quvurlarini kesib tashlashni rejalashtirayotgani ma’lum bo‘lgan edi.
Yuqori elektr energiyasi narxlari allaqachon talabning pasayishi belgilarini ko‘rsatmoqda. Germaniya elektr energiyasiga bo‘lgan talab so‘nggi to‘rt oy ichida o‘tgan yilga nisbatan 5 foizga kamaygan.
Bunga sabab yuqori energiya narxi bo‘lib, bu asosan sanoat foydalanuvchilarining ishlab chiqarishni kamaytirganini bildiradi.
Avvalroq O‘zbekistonda tabiiy gaz va elektrning yangi narxlari belgilangani haqida xabar berilgandi.
Izoh (0)