AQSH Moliya vaziri Janet Yellen Xitoy bosh vaziri o‘rinbosari Lyu Xe bilan videomuloqot qildi.
Ular xomashyo narxining oshishi va Rossiya va Ukraina o‘rtasidagi urushning jahon iqtisodiyotiga ta’sirini muhokama qildi, deyiladi AQSH moliya vazirligi matbuot xizmati xabarida.
Ikki davlat vakillari o‘rtasidagi suhbat kecha, 4-iyul kuni bo‘lib o‘tdi.
Suhbat mavzulari AQSH va Xitoydagi makroiqtisodiy va moliyaviy o‘zgarishlar, shuningdek, xomashyo narxlari va oziq-ovqat xavfsizligi o‘sishi sharoitida jahon iqtisodiyotining istiqbollari bo‘ldi.
Xitoy Savdo vazirligi suhbatni “pragmatik va samimiy” deb atab, Amerika tomonining tashabbusi bilan o‘tkazilganini ta’kidladi.
Departamentning ta’kidlashicha, Qo‘shma Shtatlar va Xitoy vakillari “makroiqtisodiy vaziyat va ta’minot zanjirlarining barqarorligi bo‘yicha” fikr almashgan.
Pekin, shuningdek, AQSHning avvalgi ma’muriyati tomonidan Xitoy tovarlariga bojlarni olib tashlash va sanksiyalarni bekor qilish bo‘yicha hal qilinmagan muammolardan shikoyat qildi.
Tomonlarning fikricha, jahon iqtisodiyoti jiddiy muammolarga duch kelmoqda.
Xitoy va AQSH o‘rtasidagi aloqa va makro-siyosatni muvofiqlashtirishni kuchaytirish, Xitoy, AQSH va butun dunyo uchun manfaatli bo‘lgan global sanoat va ta’minot zanjiri barqarorligini birgalikda qo‘llab-quvvatlash juda muhim, — dedi Xitoy vazirligi.
Xitoy Ukrainadagi harbiy amaliyotga javoban joriy etilgan Rossiyaga qarshi sanksiyalarga qo‘shilishdan bosh tortmoqda.
Iyun sammiti yakunlariga ko‘ra, Katta yettilik mamlakatlari yetakchilari Xitoyni Rossiyaga “harbiy agressiyani to‘xtatish” uchun bosim o‘tkazishga chaqirdi.
Shu fonda AQSH ma’muriyati Xitoydan import qilinadigan bojlarning bir qismini bekor qilish imkoniyatini ko‘rib chiqmoqda.
AQSH prezidenti Jo Bayden yaqin orada Xitoy rahbari Si Szinpin bilan ham muloqot qilishi kutilmoqda.
Avvalroq Rossiyaning Ukrainadagi urushidan dunyo qanday zarar ko‘rayotgani haqida xabar berilgan edi.
Izoh (0)