2021 йил бошидан буён Европада табиий газ нархи 700 фоизга ошди, шу сабабли кўплаб Европа давлатлари рецессия ёқасида, деб ёзади Forbes Bloomberg маълумотларига таяниб.
Бугунги кунда газ глобал геосиёсий жараёнларни белгиловчи ёқилғи роли учун нефть билан рақобатлашишга тайёр. У янги совуқ урушнинг ҳаракатлантирувчи кучи ҳисобланади.
Бу кучлар тўқнашуви пайдо бўлаётган даврнинг ўзаги бўлиб, шу қадар шиддатлики, Ғарб пойтахтларида иқлим ўзгаришига қарши курашиш режалари бекор қилинмоқда, — деб ёзади Bloomberg.
Газнинг бу даражада муҳим бўлишига Россия ва Украинда ўртасидаги уруш сабаб бўлмоқда.
Уруш ортидан Ғарб давлатлари Россияга бир қанча санкциялар қўллади ва Россия ҳам Европага газ етказиб беришни сезиларли даражада камайтиришга қарор қилди. Европа давлатлари муқобил газ манбаларини қидирмоқда.
Узоқ йиллар давомида газ минтақавий бозорларда сотиладиган «ҳаракатсиз» товар бўлган эди, айни пайтда эса фаол равишда глобаллашмоқда.
Дунё энди газ ҳақида бир вақтлар нефть билан қандай фикрда бўлса, худди шундай ўйлайди. Газнинг бугунги иқтисодиётдаги муҳим роли яққол кўриниб қолди, — дейди Kevin Book, ClearViyew Energy Partners бошқарувчи директори.
Газнинг замонавий иқтисодиётдаги муҳим роли, айниқса, июнь ойи бошида Техасдаги суюлтирилган газ (LNG) заводида содир бўлган ёнғиндан кейин сезиларли бўлди.
Bloomberg маълумотларига кўра, Американинг Европага етказиб берадиган муҳим заводидаги ёнғиндан сўнг, Европа Иттифоқида ёқилғи нархи 60 фоизга кўтарилди.
Изоҳ (0)