Xitoyning elektromobil ishlab chiqaruvchi BYD kompaniyasi joriy yilning birinchi yarmida sotuv hajmi bo‘yicha Tesla’ni ortda qoldirdi. Bu haqda Global Forbes xabar berdi.
Yanvar—iyun oylarida BYD global savdosi 4 baravardan ko‘proqqa oshib, 641 mingta avtomobilni tashkil etgan.
Tesla esa yilning birinchi yarmida atigi 564 mingta avtomobil sotgan.
Janubiy Koreyaning SNE Research ma’lumotlariga ko‘ra, BYD LG Energy kompaniyasini ham ortda qoldirib, dunyodagi eng yaxshi elektr avtomobil akkumulatorlari ishlab chiqaruvchilari orasida ikkinchi o‘rinni egalladi.
Aprel oyidan buyon BYD ushbu bozorda Xitoyning zamonaviy Amperex texnologiyasidan (CATL) keyin ikkinchi o‘rinda turadi.
Fevral oyida “O‘zavtosanoat” elektromobil ishlab chiqaruvchi BYD kompaniyasi bilan hamkorlik qilishini ma’lum qilgan edi.
BYD — elektrotransportlar ishlab chiqarilishi bilan shug‘ullanuvchi dunyodagi eng yirik kompaniyalardan biri. Kompaniya nomi Build Your Dream (“O‘z orzungni yarat”) qisqartmasidan kelib chiqqan.
Kompaniya o‘z faoliyatini 1995-yilda mobil telefonlar uchun akkumulator batareyalarini ishlab chiqarish bilan boshlagan.
“O‘zavtosanoat” va BYD ilk elektromobilni qachon ishlab chiqarishi mumkinligi ma’lum bo‘lgan.
Unga ko‘ra, may oyida O‘zbekistonga Xitoydan sinov elektromobillar keltiriladi. Xaridorlarga qanday variantlar kerakligini tushunish uchun ular bilan car-clinic o‘tkaziladi.
Ishlab chiqarish 2023-yilda boshlanishi rejalashtirilgan.
Izoh (0)