Хитойнинг электромобиль ишлаб чиқарувчи BYD компанияси жорий йилнинг биринчи ярмида сотув ҳажми бўйича Tesla’ни ортда қолдирди. Бу ҳақда Global Forbes хабар берди.
Январь—июнь ойларида BYD глобал савдоси 4 баравардан кўпроққа ошиб, 641 мингта автомобилни ташкил этган.
Tesla эса йилнинг биринчи ярмида атиги 564 мингта автомобиль сотган.
Жанубий Кореянинг SNE Research маълумотларига кўра, BYD LG Energy компаниясини ҳам ортда қолдириб, дунёдаги энг яхши электр автомобиль аккумулаторлари ишлаб чиқарувчилари орасида иккинчи ўринни эгаллади.
Апрель ойидан буён BYD ушбу бозорда Хитойнинг замонавий Amperex технологиясидан (CATL) кейин иккинчи ўринда туради.
Февраль ойида «Ўзавтосаноат» электромобиль ишлаб чиқарувчи BYD компанияси билан ҳамкорлик қилишини маълум қилган эди.
BYD — электротранспортлар ишлаб чиқарилиши билан шуғулланувчи дунёдаги энг йирик компаниялардан бири. Компания номи Build Your Dream («Ўз орзунгни ярат») қисқартмасидан келиб чиққан.
Компания ўз фаолиятини 1995 йилда мобил телефонлар учун аккумулатор батареяларини ишлаб чиқариш билан бошлаган.
«Ўзавтосаноат» ва BYD илк электромобилни қачон ишлаб чиқариши мумкинлиги маълум бўлган.
Унга кўра, май ойида Ўзбекистонга Хитойдан синов электромобиллар келтирилади. Харидорларга қандай вариантлар кераклигини тушуниш учун улар билан car-clinic ўтказилади.
Ишлаб чиқариш 2023 йилда бошланиши режалаштирилган.
Изоҳ (0)