Birlashgan Millatlar Tashkiloti Xavfsizlik kengashini yanada demokratik qilish uchun uni kengaytirish zarur. Bu haqda Rossiyaning Xitoydagi elchisi Andrey Denisov Pekinda BMT Global tinchlik forumining yalpi sessiyasida so‘zlagan nutqida aytib o‘tdi.
Uning so‘zlariga ko‘ra, Xavfsizlik Kengashi deyarli G‘arb propagandasi maydoniga aylangan.
“Mamlakatim keng konsensus asosida BMT Xavfsizlik kengashi tarkibini kengaytirish tarafdori. Buning uchun Afrika, Osiyo va Lotin Amerikasi davlatlari ulushini oshirish kerak, shunda Xavfsizlik Kengashi dunyo xalqlarining intilishlarini aks ettira oladi va yanada demokratik bo‘ladi”, — dedi Denisov.
Mart oyi boshida Ukraina prezidenti Vladimir Zelenskiy Rossiyani tashkilot Xavfsizlik kengashidan chiqarib yuborishni talab qilgan edi. Shu bilan birga, Xavfsizlik Kengashining doimiy a’zolari b‘'lgan mamlakatlar vakillari bu ehtimolni rad etdi. Iyun oyida Zelenskiy yana Rossiyani BMT Xavfsizlik Kengashidan chiqarib tashlashga chaqirdi, yoki tashkilotga o‘zini o‘zi tarqatib yuborishni taklif qildi.
Bunga javoban BMT Bosh assambleyasi prezidentining rasmiy vakili Polina Kubiak bunday qarorlarning barchasi Xavfsizlik Kengashi orqali qabul qilinishini eslatdi. Unga ko‘ra, bunday qarorni qabul qilish mumkin emas, chunki Rossiya kengashda veto huquqiga ega.
Izoh (0)