Buyuk Britaniya Rossiyaning qirollikdagi muzlatilgan aktivlarini musodara qilish va Ukrainaga o‘tkazish imkoniyatini ko‘rib chiqmoqda. Bu haqda The Guardian xabar berdi.
Gazetaning yozishicha, Buyuk Britaniya tashqi ishlar vaziri Liz Trass Buyuk Britaniya Kanadadan o‘rnak olish va rossiyaliklarning Buyuk Britaniyadagi aktivlarini Ukrainaga o‘tkazish uchun ularni musodara qilish niyatida ekanini aytdi.
“Men bu konsepsiyani qo‘llab-quvvatlayman. Biz buni diqqat bilan kuzatib boryapmiz. Kanadaliklar aslida biz Ichki ishlar vazirligi va G‘aznachilik bilan ko‘rib chiqayotgan qonunni qabul qildi, lekin men bu g‘oyaga so‘zsiz qo‘shilaman. Biz shunchaki bu masalada barcha tafsilotlarni ishlab chiqishimiz kerak”, — deya Trassdan iqtibos keltiradi nashri.
U Britaniya parlamenti rejani amalga oshirishga imkon beruvchi yangi qonunni qabul qilishi kerakligini inkor etmadi. Biroq, vazir busiz ham imkoni bo‘lishi mumkinligini qo‘shimcha qildi.
Gazetaning ta’kidlashicha, musodara qilingan mablag‘lar zararni qoplash ko‘rinishida xususiy shaxslarga ham, Ukraina rasmiylariga ham o‘tkazilishi mumkin.
Izoh (0)