Rossiyada COVID-19 tarqalishi munosabati bilan chegaradan o‘tishga qo‘yilgan cheklovlar 15-iyuldan bekor qilinadi, deya xabar berdi Koronavirusga qarshi kurash bo‘yicha tezkor shtab. Mamlakat chegarasida vaqtinchalik cheklovlar 2020-yilning mart oyida o‘rnatilgan edi.
14-iyundan boshlab xorijiy fuqarolarning Rossiyaga havo va dengiz o‘tkazish punktlari orqali kirishiga qo‘yilgan cheklovlar bekor qilingan. Shu bilan birga, quruqlikdagi transport turlari bilan kirishda bir qator cheklovlar saqlanib qolayotgandi.
Shuningdek, endilikda Rossiyaga kelgan Belarus fuqarolaridan koronavirus uchun PZR-testi natijalarini ko‘rsatish talab qilinmaydigan bo‘ldi.
1-iyul kuni “Rospotrebnadzor” koronavirusga qarshi ilgari joriy qilingan cheklovlar, jumladan niqob rejimi, tunda restoranlarda ovqatlanishni taqiqlash va boshqa bir qator chora-tadbirlarni bekor qilgandi. Shu bilan birga, qaror rossiyaliklar uchun Federatsiyaga kirishdagi talablarni bekor qilmadi.
Izoh (0)