Britaniya armiyasining Twitter va YouTube akkauntlariga buzib kirildi, deb xabar bermoqda Bloomberg.
Agentlikning aniqlik kiritishicha, Britaniya armiyasining YouTube kanalida Ark Investment Management LLC tomonidan o‘tkazilgan bitkoin forumidan videolar joylashtirilgan. Forumda Tesla asoschisi Ilon Mask ham ishtirok etgandi. Twitter esa NFT tokenlarini reklama qilgan.
Keyinroq Twitter’da Britaniya armiyasi “nashrlardagi vaqtinchalik uzilishlar” uchun uzr so‘radi va voqea tergov qilinayotganini ta’kidladi.
“Biz keng qamrovli tergov olib boryapmiz va bu voqeadan saboq olamiz”, — dedi Buyuk Britaniya Mudofaa vazirligi.
Ma’lumot uchun armiyaning Twitter sahifasiga 360 000 dan ortiq kishi, YouTube kanaliga esa 177 000 foydalanuvchi obuna bo‘lgan.
Izoh (0)