Buyuk Britaniya 2023-yilda Ukrainani qayta tiklash bo‘yicha konferensiya tashkil qilmoqchi va jarayonni muvofiqlashtirish uchun ushbu konferensiya kuzatuv kengashiga o‘zi kirmoqchi, deb yozadi “Kommersant” Britaniya Tashqi ishlar vazirligiga tayanib. Shunga o‘xshash konferensiya bugun, 4-iyul kuni Shveysariyada o‘tkaziladi.
Britaniya hukumati Kiyevga yordam ko‘rinishida 120 million dollardan ortiq mablag‘ ajratishga ulgurdi, shuningdek, kreditlar bo‘yicha 1,5 milliard dollarlik kafolatlarni taqdim etishga rozi bo‘ldi. Bundan tashqari, Buyuk Britaniya “Ukrainada investitsiyalarni jalb qilish uchun o‘zining moliya sektoridagi tajribasidan foydalanmoqchi”, deya qayd etdi TIV.
“Biz urush chog‘ida Ukrainani qo‘llab-quvvatlashda yetakchi bo‘ldik va Ukraina hukumatini qayta tiklash va rivojlantirish sohasidagi ko‘mak bo‘yicha yetakchi bo‘lishda davom etamiz”, — dedi Buyuk Britaniya tashqi ishlar vaziri Liz Trass.
Britaniya bosh vaziri Boris Jonsonning fikricha, uzoq muddatli istiqbolda Ukrainani qo‘llab-quvvatlashda davom etish muhim. Ukraina prezidenti Vladimir Zelenskiy budjet taqchilligini qoplash uchun mamlakatga har oyda 5 milliard dollar talab etilishini aytgandi.
Mavzuga doir:
- Buyuk Britaniya Ukrainaga yana 525 mln dollar miqdorida kredit kafolati berishga tayyor
- Britaniya qo‘shinlari qo‘mondoni “Rossiyani mag‘lub etishga qodir” armiya yaratishga chaqirdi
- Boris Jonson urush boshlanganidan beri ikkinchi marta Kiyevga keldi. Uning tashrifi haqida yana oldindan e’lon qilinmadi
Izoh (0)