Бирлашган Миллатлар Ташкилоти Хавфсизлик кенгашини янада демократик қилиш учун уни кенгайтириш зарур. Бу ҳақда Россиянинг Хитойдаги элчиси Андрей Денисов Пекинда БМТ Глобал тинчлик форумининг ялпи сессиясида сўзлаган нутқида айтиб ўтди.
Унинг сўзларига кўра, Хавфсизлик Кенгаши деярли Ғарб пропагандаси майдонига айланган.
«Мамлакатим кенг консенсус асосида БМТ Хавфсизлик кенгаши таркибини кенгайтириш тарафдори. Бунинг учун Африка, Осиё ва Лотин Америкаси давлатлари улушини ошириш керак, шунда Хавфсизлик Кенгаши дунё халқларининг интилишларини акс эттира олади ва янада демократик бўлади», — деди Денисов.
Март ойи бошида Украина президенти Владимир Зеленский Россияни ташкилот Хавфсизлик кенгашидан чиқариб юборишни талаб қилган эди. Шу билан бирга, Хавфсизлик Кенгашининг доимий аъзолари б‘'лган мамлакатлар вакиллари бу эҳтимолни рад этди. Июнь ойида Зеленский яна Россияни БМТ Хавфсизлик Кенгашидан чиқариб ташлашга чақирди, ёки ташкилотга ўзини ўзи тарқатиб юборишни таклиф қилди.
Бунга жавобан БМТ Бош ассамблеяси президентининг расмий вакили Полина Кубиак бундай қарорларнинг барчаси Хавфсизлик Кенгаши орқали қабул қилинишини эслатди. Унга кўра, бундай қарорни қабул қилиш мумкин эмас, чунки Россия кенгашда вето ҳуқуқига эга.
Изоҳ (0)