Yevropa Ittifoqiga yetkazib berish to‘liq to‘xtatilgach, Rossiya gazining o‘rnini qoplash uchun uch yildan ko‘proq vaqt ketishi mumkin. Bu haqda Fitch xalqaro agentligi o‘z hisobotida ma’lum qilgan.
Hisobotda aytilishicha, Rossiyadan gaz tranziti to‘liq to‘xtab qolishi ortidan Slovakiya, Vengriya va Chexiya eng ko‘p muammoga duch keladi.
Bu davlatlar Rossiya gaziga eng ko‘p qaram bo‘lib, muqobil yetkazib berish manbalariga ega emas. Shu bilan birga, Polsha, Litva va Ruminiya ushbu ssenariydan eng kam zarar ko‘radi.
Ularda import qilish uchun muqobil manbalar mavjud va gazning bir qismi mamlakat hududida ishlab chiqariladi.
Agarda Rossiyadan gaz yetkazib berish to‘liq to‘xtab qolsa, Markaziy va Sharqiy Yevropa mamlakatlari jiddiy makroiqtisodiy qiyinchiliklarga duch kelishi mumkin.
Ular orasida iqtisodiy o‘sishning pasayishi, yuqori inflyatsiya, davlat qarzi va taqchillikning oshishi bor. Bu, o'z navbatida, mamlakatlarning suveren reytinglariga salbiy bosim o'tkazadi.
Yevropa kengashi rahbari, Germaniya kansleri Olaf Shols va Avstriya kansleri Karl Nexammer, Chexiya, Vengriya va Turkiya rasmiylari Rossiya gazidan tez va to‘liq voz kechish imkonsizligini aytdi.
Hozir G7 yetakchilari Rossiyadan gaz va neftga marjinal narxlarni joriy etish masalasini ko‘rib chiqmoqda. Ushbu tashabbus uchinchi dunyo davlatlari bilan muhokama qilinishi rejalashtirilgan.
Mavzuga doir:
Izoh (0)