Xitoyning Rossiyaga eksporti fevral oxiridan may oyi oxirigacha 2021-yilning ikkinchi yarmiga nisbatan 38 foizga kamaydi. Biroq ayni vaqtda Rossiyadan import keskin oshdi va rekord darajadagi 10,3 mlrd dollarga yetdi.
Bunday ma’lumotlar Peterson Jahon iqtisodiyoti instituti (PIIE)ning voqealar munosabati bilan Rossiyaga nisbatan joriy etilgan sanksiyalar samaradorligiga doir tadqiqotida keltirilgan.
PIIE mutaxassislari 2021-yilda Rossiya importining deyarli 90 foizini tashkil etgan dunyoning 54 mamlakati bo‘yicha ma’lumotlarni tahlil qildi.
Tadqiqotda qayd etilganidek, 24-fevraldan 30-aprelgacha bo‘lgan davrda turli mamlakatlardan Rossiyaga eksport hajmi keskin kamaydi.
PIIE hisob-kitoblariga ko‘ra, ushbu davrda unga nisbatan sanksiyalar qo‘ygan mamlakatlardan Rossiyaga eksport 60 foizga kamaydi.
Sanksiyalar qo‘llamagan mamlakatlardan bu ko‘rsatkich taxminan 40 foiz.
Ushbu davr mobaynida 54 mamlakatdan faqat 3 tasida fevral oyining oxiridan boshlab kamida bir oy davomida Rossiyaga eksport hajmi o‘sdi. Bu uch davlat — Isroil, O‘zbekiston va Braziliya.
Institut Xitoy haqidagi ma’lumotlarni may oyining oxirigacha tahlil qildi. Xitoyning Rossiyaga eksporti 73 milliard dollarni tashkil etgan.
Fevral oyida, PIIE qayd etishicha, Xitoy Rossiya bilan normal iqtisodiy munosabatlarni saqlab qolishda davom etishini aytdi. May oyining oxiriga kelib esa, Xitoy mahsulotlarining Rossiyaga eksporti keskin kamaydi.
Biroq Xitoy Rossiya bilan savdo-sotiqdan butunlay voz kechmayapti va uning Rossiyadan importi rekordlarni yangilamoqda. Shu bilan birga, ushbu importning deyarli 80 foizi neft va gazdir.
Izoh (0)