Европа Иттифоқига етказиб бериш тўлиқ тўхтатилгач, Россия газининг ўрнини қоплаш учун уч йилдан кўпроқ вақт кетиши мумкин. Бу ҳақда Fitch халқаро агентлиги ўз ҳисоботида маълум қилган.
Ҳисоботда айтилишича, Россиядан газ транзити тўлиқ тўхтаб қолиши ортидан Словакия, Венгрия ва Чехия энг кўп муаммога дуч келади.
Бу давлатлар Россия газига энг кўп қарам бўлиб, муқобил етказиб бериш манбаларига эга эмас. Шу билан бирга, Польша, Литва ва Руминия ушбу сценарийдан энг кам зарар кўради.
Уларда импорт қилиш учун муқобил манбалар мавжуд ва газнинг бир қисми мамлакат ҳудудида ишлаб чиқарилади.
Агарда Россиядан газ етказиб бериш тўлиқ тўхтаб қолса, Марказий ва Шарқий Европа мамлакатлари жиддий макроиқтисодий қийинчиликларга дуч келиши мумкин.
Улар орасида иқтисодий ўсишнинг пасайиши, юқори инфляция, давлат қарзи ва тақчилликнинг ошиши бор. Бу, ўз навбатида, мамлакатларнинг суверен рейтингларига салбий босим ўтказади.
Европа кенгаши раҳбари, Германия канцлери Олаф Шольц ва Австрия канцлери Карл Нехаммер, Чехия, Венгрия ва Туркия расмийлари Россия газидан тез ва тўлиқ воз кечиш имконсизлигини айтди.
Ҳозир G7 етакчилари Россиядан газ ва нефтга маржинал нархларни жорий этиш масаласини кўриб чиқмоқда. Ушбу ташаббус учинчи дунё давлатлари билан муҳокама қилиниши режалаштирилган.
Мавзуга доир:
Изоҳ (0)