Gruziya hukumati 2022-yilning 4-iyulidan 2023-yilning 4-iyuliga qadar bug‘doy va arpa eksportini taqiqlash to‘g‘risida qaror qabul qildi. Bu haqda Gruziya Atrof-muhit va qishloq xo‘jaligi vaziri Otar Shamugiyaga tayanib, Fortuna radiosi xabar bermoqda.
Mintaqadagi vaziyatdan kelib chiqib, oziq-ovqat xavfsizligini ta’minlash uchun mahalliy ishlab chiqarilgan bug‘doy va arpani faqat ichki bozorda sotish muhim, — dedi Shamugiya.
May oyida Hindiston bug‘doyni jahon bozorlariga eksport qilishni to‘xtatishga qaror qilgandi.
Bloomberg yozishicha, Hindiston dunyo bug‘doy bozorida yetakchi yetkazib beruvchilardan biri bo‘lgan Ukraina o‘rnini bosa olishiga umid qilgan.
Rossiya va Ukraina o‘rtasidagi urush boshlanishidan oldin, BMTning Oziq-ovqat va qishloq xo‘jaligi tashkiloti ma’lumotlariga ko‘ra, donning 30 foizi Rossiya va Ukrainadan 50 mamlakatga import qilingan.
Avvalroq bug‘doydan bo‘shagan maydonlarni yoqish katta iqtisodiy zarar keltirayotgani haqida xabar berilgandi.
Izoh (0)