Грузия ҳукумати 2022 йилнинг 4 июлидан 2023 йилнинг 4 июлига қадар буғдой ва арпа экспортини тақиқлаш тўғрисида қарор қабул қилди. Бу ҳақда Грузия Атроф-муҳит ва қишлоқ хўжалиги вазири Отар Шамугияга таяниб, Фортуна радиоси хабар бермоқда.
Минтақадаги вазиятдан келиб чиқиб, озиқ-овқат хавфсизлигини таъминлаш учун маҳаллий ишлаб чиқарилган буғдой ва арпани фақат ички бозорда сотиш муҳим, — деди Шамугия.
Май ойида Ҳиндистон буғдойни жаҳон бозорларига экспорт қилишни тўхтатишга қарор қилганди.
Bloomberg ёзишича, Ҳиндистон дунё буғдой бозорида етакчи етказиб берувчилардан бири бўлган Украина ўрнини боса олишига умид қилган.
Россия ва Украина ўртасидаги уруш бошланишидан олдин, БМТнинг Озиқ-овқат ва қишлоқ хўжалиги ташкилоти маълумотларига кўра, доннинг 30 фоизи Россия ва Украинадан 50 мамлакатга импорт қилинган.
Аввалроқ буғдойдан бўшаган майдонларни ёқиш катта иқтисодий зарар келтираётгани ҳақида хабар берилганди.
Изоҳ (0)